Parigi settembre
La mansarda
Col finestron
Che guarda
El carrefour de l'Odeon
La parete celeste
La stampa del Poiré
« Il Porto di Trieste »
Me fa sentir ancora
A Parigi flon flon
Salso de mar
E refolo de bora
Aria de casa mia
Son qua che aspetto
Quella che vegnerà
Suso de mi a le cinque
La ga telefonà
Vengo dopo le prove
La vegnerà la sento
Fresca de sotto al vestitin
De lino
Mi sarò vento
Che passerà su ela
Stampa e mansarda
A far l'amor ne guarda
Carolus L. Cergoly
Nessun commento:
Posta un commento